殼股全攻略

殼股全攻略 1

介紹吓自已先 :

超過40年炒股經驗,熟技術分析(TA)及基本分析 (FA). 由用格仔紙 (graph paper) **..自己畫圖表,開始............

**80年代至尾是沒有電腦出圖表的,股價圖, TA 指標是要自己計數及用格仔紙畫 )

 以前長揸優質大股 (揸10年20年計 ) , 副炒賣優質2,3線 (年年進貢, 歲歲來朝的ETC 股). 數年前從老友得知大莊炒賣一轉莊家股所賺的銀碼後開始精研究同炒莊家股 (我叫佢地做老千股, 等自己警覺對手是甚麼來 ), 2-3年前殼股興起, 硬係轉玩殼股喇, 基本上炒賣莊家股和炒賣殼股的分析方法, 操盤法大同小異, 但殼股 比莊家股更安全及回報更高 (有机會將來再詳論 )!!

今年更參與幫手殼股尋找同買殼, 更加清楚甚麼是潛質殼股.

點解要寫殻股全攻略 ?

街出面好多人炒賣殼股, 推介殼股, 出週刊, 教人炒賣殼股, 其實好多都係…….

等我寫吓我知的殼股知識, 亦抛下豬引下肉, 亦等高手指教下 !!!

殼股 有幾吸引 ? 睇下個表…….

	股号	平均	最高	回報(本利)
1	1076	$1.0x	$5.60	560.00%
2	439	$0.3x	$6.38	2126.67%
3	1246	$0.8x	$8.10	1012.50%
4	1360	$1.7x	$7.10	417.65%
5	1332	$1.0x	$8.32	832.00%

言歸正傳, 甚麼叫殼股 ?

上市公司大致可分為3種方法轉手

1)      私有化, 大股東出價向所有小股東購股

2)      賣公司, 大股東將公司資產, 生意活動, 上市地位賣給獨立第3者.

(這種對於炒賣沒有分別, 但對尋找潛質股時有分別, 有机會將來再詳論 )

3)      賣殼, 大股東衹將上市地位賣給獨立第3者.

  

話明殻股全攻略….. 硬系講 (3) 賣殼喇

賣殼, 大股東衹將上市地位賣給獨立第3者. 話明賣殼所以唔包公司資產, 生意活動.

買賣殼行中有句術語 “正負零交收 ”, 正者資產, 負者負債也. 即是殼主賣殼前平公司負債, 將資產, 生意活動拿走 (點拿有机會將來再詳論). 當然要留番些小生意活動以符合上市條例. 所好奇怪有人講,話收緊賣殼唔准現金公司賣殼, 好奇怪點解有這樣講法, 專業買賣殼團隊怎會攪到個殼變了現金公司呢 (上市公司變了現金公司就犯了上市條例的) ?

早前傾只創業版殼叫價3億幾, 如要埋 “生意活動” 要.加多5仟萬 !!!

嘅然買賣殼是“正負零交收 ”, 所以殼價同公司資產, 生意活動., 市值冇大關係了.

其實呢D殼價知識好重要, 唔係的話比個冧把你都無用. 舊年比只殼冧把幾個朋友, 佢買咗幾十萬股 $0.7X, 可惜佢炒波幅, 執雞碎咁多, 大升冇份.  結果只股最高去到 $8.x , $8走唔到, $7.x 都走得好輕鬆 !!!

好了今次講到這裹, 記住呢句 : 買賣殼是“正負零交收 ”, 所以殼價同公司資產, 生意活動., 市值冇大關係.

下次講乜好呢 ? 買殼聽得多, “租殼 “又聽過未, 你冇睇錯…. 系“租“ 殼呀 !!!

下次淺談一吓“租“ 殼.

啱睇………比個 Like 來 !

幾時講? 未定期, 多 D Like 就快D講.

Facebook Group : 殼股全攻略 
https://www.facebook.com/groups/1231267283556638/
( 免責聲明 ：

上文並不構成要約、招攬、邀請、誘使、遊說、建議、及推薦等行為。讀者務請運用個人睿智及思考能力而自行作出投資決定，如因相關言論招致損失，概與本人無涉。

温馨提示: 投資涉及風險，金、股、匯、債、樓、商品及衍生工具價格可升可跌, 忠告須順應市況，以閒資博大堆，閒情笑傲心態參與，还須緊記: 財不入急門,  胆大还心細, 量力好為之。祖師爺明訓: 『思想好, 能分析, 分析好, 大有益』。缸湖凶險, 切勿瞓身是盼)。

圖表 :

1076  daily  (數據不還權)

 439 weekly

 1246 daily (數據不還權)








 1360 daily

1332 daily  (數據不還權)